Қазақстан құрамасы Босния және Герцеговинаға есе жіберді

Қазақстан құрамасы Босния және Герцеговинаға есе жіберді

Футболдан Қазақстан ұлттық құрамасы 2022 жылғы әлем чемпионатына іріктеу кезеңі аясында Босния және Герцеговина құрамасына есе жіберді. Нұр-Сұлтанда өткен ойында қонақтар 3 ұпай еншілеп қайтты.

«Астана Аренадағы» ойында 0:2 есебі тіркелді. Екі голды Смаил Превляк соқты. Алдымен 25 минутта баспен гол соқса, 66 минутта екінші рет Стас Покатилов қорғаған қақпаның торын тулатты.

Қазақстан құрамасы D тобында – соңғы орында. 6 ойыннан 3 ұпай жинаған. Әзірге жеңіске жеткен жоқ.

Талғат Байсуфинов шәкірттері келесі ойынын 12 қазан күні Финляндияға қарсы өткізеді.