Қазақ қызы күрестен әлем чемпионатының финалына шықты

Қазақ қызы күрестен әлем чемпионатының финалына шықты

72 килоға дейінгі салмақта белдесетін қазақстандық балуан қыз Жәмила Бақбергенова Ослода өтіп жатқан әлем чемпионатының финалына шықты.

Ширек финалда франциялық балуан Ванесса Весканнан 2:10 есебімен жеңіліп жатып, 10:10 есебімен жеңіске жетті. Жәмила соңғы әдісті жасағаны үшін француз балуанынан басым түсті. Ал жартылай финалда түрік балуаны Бусе Тосунды 13:2 есебімен жеңді.

Күміс – қолда, алтын – жолда. Финалдағы белдесу ертең өтеді. Отандасымызға сәттілік тілейміз! Қарсыласы – жапон Масако Фуричи.

Қазақстандық балуан қыз 2012 жылдан бері алғаш рет әлем чемпионатының финалына шықты. 2012 жылы Гузел Манюрова финалда жеңілген еді.