Чемпиондар және Еуропа лигасының финалы кейінге шегерілді

Чемпиондар және Еуропа лигасының финалы кейінге шегерілді
Фото: CBS Sports

Еуропа футбол қауымдастықтарының одағы (УЕФА) коронавирус пандемиясына байланысты Чемпиондар және Еуропа лигасының шешуші матчы кейінге шегерілетінін ресми мәлімдеді.

Ерлер арасындағы Чемпиондар лигасы мен Еуропа лигасы және әйелдер Чемпиондар лигасының финалы белгісіз уақытқа шегерілді. Чемпиондар лигасының финалы 30 мамыр күні Стамбұлдағы Ататүрік атындағы Олимпиада стадионында өтуі қажет еді. Ал Гданьск қаласындағы "Энерга Гданьск" стадионы 27 мамыр күні Еуропа лигасының шешуші кездесуін қабылдайды деп жоспарланған.

Айта кетейік, қазіргі таңда әлем бойынша 368 мыңнан астам адам коронавирусты жұқтырса, оның 16 мыңы көз жұмған. Коронавирус пандемиясына байланысты әлемде барлық спорттық іс-шаралар уақытша тоқтатылды.

А. Рысдәулет