Қазақстан футбол федерациясы спорттық іс-шараларды тоқтатты

Қазақстан футбол федерациясы COVID-19 коронавирус инфекциясының таралуына байланысты футбол, футзал, әйелдер футболы, балалар мен жасөспірімдер, бұқаралық футбол, ардагерлер арасында жарыстарды, сонымен қатар, білім беру семинарлары мен әртүрлі форумдарды өткізуді тоқтату жөнінде шешім қабылдағанын хабарлайды.

Премьер-лига командалары арасындағы OLIMPBET-Қазақстан Чемпионаты мен ҚР Кубогының ойындары күнтізбеге сәйкес өтеді. Алайда жанкүйерлер үшін стадиондардың есігі жабық болады. 

OLIMPBET-Қазақстан Чемпионаты мен ҚР Кубогының ойындарына жарысқа қатысушылармен қатар ресми тұлғалар мен стадион қызметкерлері ғана қатысады. Ойындарға БАҚ өкілдері де қатыспайды. Тек көрсетілім жұмыстарымен айналысатын арнайы топ жұмыс істейді.  

Профилактикалық шараны тоқтату жөнінде қосымша хабарланады. 

Айта кетейік, футболдан премьер-лиганың екінші туры осы демалыс күндері өтеді. Сенбі күні "Жетісу" - "Тобыл", "Ертіс" - "Қызыл-Жар СК" командалары ойнаса, жексенбіде "Каспий" - "Астана", "Шахтер" - "Қайрат", "Тараз" - "Ордабасы", "Оқжетпес" - "Қайсар" командалары кездеседі.