Негізгі / Лайфстайл / Спорт / Жаңалықтар / Илья Ильин халықаралық жарыста топ жарды
Илья Ильин халықаралық жарыста топ жарды

Қазақстандық зілтемірші Илья Ильин дәстүрлі 6-шы Халықаралық бірлік чемпионатта алтыннан алқа тағынды.

Өзбекстан астанасы Ташкентте өтіп жатқан байрақты бәсекеде Илья Ильин 102 килоға дейінгі салмақ дәрежесінде бақ сынаған болатын. Қазақстандық зілтемірші қос сайыс қорытындысы бойынша 355 килоны бағындырып, жарыс жеңімпазы атанды. Күміс жүлде Катар спортшысы Фарес Ельбахтың (353 кило) қанжығасында кетті. Үздік үштікті жергілікті ауыр атлет Умарбек Шохназаров (341 кило) түйіндеді. 

Естеріңізге сала кетейік, бұған дейін Қазақстан қоржынына Игорь Сон алтын жүлдені салған болатын. Ол 61 килоға дейінгі салмақ дәрежесінде 286 килоны бағындырып, топ жарды. Аталмыш жарыс Токио Олимпиадасының іріктеу турнирі саналады. Дүбірлі додада 47 елдің ауыр атлеттері бақ сынап жатыр.

 
Дайындаған: Айбар Рысдәулет
Фото: KP.kz
Қосылған күні: 12 ақпан, 16:20