Орта салмақта IBF және IBO чемпионы Геннадий Головкин (40-1-1, 35 КО) поляк Камил Шереметаға (21-0, 5 КО) қарсы жекпе-жекті Қазақстанда өткізуі мүмкін. Бұл туралы IFL TV арнасына берген сұхбатында GGG командасымен жұмыс жасайтын промоутер Эдди Хирн мәлімдеді.
Сондай-ақ екі боксшы арасындағы кездесу поляктар көбірек тұратын Чикогада (АҚШ) ұйымдастырылуы да мүмкін. Кей бейресми деректер бойынша боксшылардың жекпе-жегі 11 сәуірге жоспарлануда.
???????? Gennady Golovkin vs Kamil Szeremeta may now take place in Kazakhstan on April 11th, USA still an option, according to Eddie Hearn. The promoter also revealed that Katie Taylor vs Amanda Serrano is going to happen in America in April. [@IFLTV]
— Michael Benson (@MichaelBensonn) 23 января 2020 г.Камил Шеремета IBF чемпиондық белбеуіне басты үміткер боксшының бірі. Геннадий Головкин бұл атақты және IBO чемпиондық белбеуін 5 қазан күні Нью-Йоркте украиналық Сергей Деревянченкоға қарсы кездесуде жеңіп алған болатын. Ал сол бокс кешінде поляк боксшысы мексикалық Оскар Кортесті (27-5, 14 КО) нокаутпен жеңген еді.