Қазақстан құрамасы Алматыда екі жолдастық матч өткізеді

Қазақстан құрамасы Алматыда екі жолдастық матч өткізеді

Футболдан Қазақстан ұлттық құрамасы Алматыда Литва және Армения құрамаларына қарсы жолдастық матч өткізеді. Бұл туралы Қазақстан футбол федерациясының ресми сайты хабарлады.

Михал Билек жаттықтыратын ұлттық құрама 2020 жылдың 23-30 наурызы аралығында Талғарда оқу-жаттығу жиынын өткізеді.

Дайындық аясында Алматыда екі жолдастық ойын өткізу жоспарланған. 27 наурыз күні - Литва, 30 наурыз күні Армения құрамасымен ойнайды. 

Литва құрамасын 52 жастағы Вальдас Урбонас жаттықтырады. Еуропа чемпионатының соңғы іріктеу турнирінде Литва футболшылары Украина, Португалия, Сербия және Люксембург құрамаларымен тартысқа түсті. FIFA рейтингіндегі орны - 131.

Армения құрамасы Еуропа чемпионатына іріктеу кезеңі аясында Финляндия, Грекия, Босния және Герцеговина және Лихтенштейн құрамаларына қарсы ойнады. FIFA рейтингінде 102-орында тұр.