Негізгі / Лайфстайл / Спорт / Жаңалықтар / Динара Сәдуақасова әлемнің үздік 10 шахматшы әйелінің қатарына кірді
Динара Сәдуақасова әлемнің үздік 10 шахматшы әйелінің қатарына кірді

Динара Сәдуақасова әлемнің үздік 10 шахматшы әйелінің қатарына кірді, деп хабарлайды Қазақстанның шахмат федерациясы.

23 жастағы Сәдуақасова 2700chess.com онлайн рейтингі бойынша 9-орынға көтерілген. Ол ресейлік гроссмейстер Александра Костенюк пен Блицтен әлем чемпионы, грузиялық гроссмейстер Нана Дзагнидзені артқа қалдырып отыр.

Динара Сәдуақасова бұған дейін Grand Swiss турнирін сәтті аяқтап, рейтингтегі ұпайы 2505-ке (11-орын) жеткен еді.

Сондай-ақ, Қытайда өткен Азия чемпионатында топ жарып, құрлықтың үздік шахматшысы атанған болатын.

*Динара Сәдуақасова (22 жаста) – шахмат академиясының негізін қалаушы. Ол 14, 17, 18 және 20 жасқа дейінгі жастар арасындағы жалғыз төрт дүркін әлем чемпионы атанған спортшы. 2017 жылдан бастап ЮНИСЕФ-тің Қазақстандағы елшісі. Әлемдегі ең мықты шахматшылар рейтингінде 12-орынды иеленген. 2012 жылы әйелдер арасында халықаралық гроссмейстер атағы берілді, ал 2017 жылы ерлер арасындағы халықаралық спорт шебері атанды.

Дайындаған: Massaget
Фото: ©David Liada
Қосылған күні: 23 желтоқсан 2019, 12:14