"Астана" клубы осы маусымда қанша табыс тапты?

Еуропа Лигасы топтық кезеңінің бесінші ойынында “Астана” футбол клубы Англиядан келген “қызыл сойқандарды” ұтып тарихи жеңіске қол жеткізгенін жазған едік. Бұған қоса клуб өз бюджетін толықтырды.

Топтық кезеңдегі алғашқы жеңісі “Астанаға” 570 мың еуро әкелді. Бұған дейін қазақстандық клубтың жалпы табысы: Чемпиондар лигасының бірінші іріктеу кезеңіне қатысқаны үшін 280 мың еуро, содан кейін Еуропа лигасының екінші турына қатысқаны үшін 260 мың еуро, үшінші айналымға қатысқаны үшін тағы 280 мың еуро алған. Еуроба Лигасының топтық кезегіне түскені үшін тобына кіру клуб бюджетін тағы 2,92 миллион еуроға ұлғайтты. Осылайша, қазіргі уақытта “Астананың” осы еуро маусымда тапқан табысы 4,31 миллион еуро.

Сонымен қатар, астаналық клуб маркетинг пен телевидение құқығын сатудан түскен төлемдері де бар. Бұл сома маусымның соңында белгілі болады.