Қанат Исламмен бір рингке кімдер шығады?

Қанат Исламмен бір рингке кімдер шығады?

26 қараша күні Алматы қаласында өтетін кәсіпқой бокс кешінде кімдердің шаршы алаңға шығатыны белгілі болды.

Кештің басты жекпе-жегінде жеңіліс дәмін татпаған отандасымыз Қанат Ислам (26-0, 21 КО) намибиялық Уолтер Каутондоквамен (18-1, 17 КО) қолғап түйістіреді. Уолтер Каутондоква – 34 жаста. 2018 жылы WBO-ның орта салмақтағы чемпионы Деметриус Андрадемен (26-0, 17КО) қолғап түйістірген. 119-105, 120-104, 120-104 есебімен америкалық боксшыға есе жіберіп, алғаш рет жеңілістің кермек дәмін татқан. Осы жылдың мамыр айында малавилік боксшы Симон Тшетаны нокаутпен жеңген. 

Ал бұл жекпе-жектің андеркартында Арман Рысбек (6-0, 5 КО), Руслан Мырсатаев (6-0, 6 КО), Асқар Ерубек (1-0, 1 КО), Нұрсұлтан Аманжолов (1-0, 0 КО) мен Бексұлтан Раушанов (5-1, 3 КО) шаршы алаңға шығады деп жоспарлануда.

Бексұлтан Раушанов (Өзбекстан, 5-1, 3 КО) — Александру Ионита (Румыния, 7-1-1, 5 КО), жартылай жеңіл салмақ;

Дәулет Дәукенов (5-1, 3 КО) — Иван Петров (Молдова, 3-1-1), бірінші жартылай орта салмақ;

Нұрсұлтан Аманжолов (1-0) — Михал Банбула (Польша, 13-31-4), аса ауыр салмақ;

Асқар Ерубек (1-0, 1 КО) — Владислав Баранов (Украина, 6-4-2, 4 КО), бірінші жартылай орта салмақ;

Ақетелиеке Жиенси (Қытай, 10-3-3, 2 КО) — Максим Воронин (Украина, 3-0, 1 КО). 

Арман Рысбек, Руслан Мырсатаев пен Нұрсұлтан Аманжоловтың қарсыластары әзірге анықталған жоқ.

Қанат Ислам болса 5 шілде күні Алматы қаласында өткен бокс кешінде доминикандық Хулио де Хесусты 14 секундта ұтып, орта салмақта WBO Inter-Continental чемпиондық атағын жеңіп алған еді. Боксшы осы кештен жиналған қаржының бір бөлігіне көпбалалы отбасыға баспана алып беруді ұйғарған. Қанат Ислам Нұр-Сұлтан қаласының оң жағалауында Сарыарқа ауданында орналасқан пәтердің кілтін 8 баланың анасы, "Күміс алқа" иегері Гүлшат Баяділова табыстады.

А. Рысдәулет