Спортинг Роналдудың алғашқы голын жариялады (видео)

Спортинг Роналдудың алғашқы голын жариялады (видео)
Фото: twitter.com

“Спортинг” твиттер парақшасына Криштиану Роналдудың кәсіби мансабындағы алғашқы голының видеосын жариялады. Ол 2002 жылы 7 қазанда Лиссабон командасы сапында “Морейренсе” қақпасына алғашқы голын соққан. 

Роналду португалиялық клубпен 30 ойынға қатысып, 5 рет қақпаны дәл көздеген, 1 рет нәтижелі пас берген. Содан кейін “Манчестер Юнайтед” сапына ауысып, 2003-2009 жылдар аралығында 196 ойында 84 гол соққан. АПЛ-дегі жас ойыншы, үздік ойыншы, үздік сұрмерген деген сынды марапаттарды бір жылда иеленіп рекорд орнатқан. 2008 жылы Чемпиондар Лигасының жеңімпазы болды және сол жылы “Алтын доп” иегері атанды. Кейін корольдік клуб сапына ауысып, 2009-2018 жылдар аралығында 292 ойында 311 рет қақпаны дәл көздеген. 4 рет Чемпиондар лигасын ұтты. 4 рет “Алтын доп” иегері атанды. 

2018 жылдан бері Туриннің “Ювентус” клубы сапында доп тебетін ол 37 ойынға қатысып, 24 рет гол соққан. Сонымен бірге Роналду 2003 жылдан бері Португалия ұлттық құрамасы сапында ел намысын қорғайды. 16 жыл ішінде 160 ойын өткізіп, 93 рет гол соққан. Сондай-ақ, 2016 жылы ұлттық құрама сапында Еуропа чемпионы атанды. 

Т. Раушанұлы