Еуропа лигасы.

Еуропа лигасы. "Манчестер Юнайтед" "Астананы" әрең жеңді

Еуропа Лигасының топтық кезеңі аясында Англияның "Манчестер Юнайтед" командасына қарсы өткен матчта "Астана" жеңіліс тапты. L тобында қарсылас атанған қос команда әлемге әйгілі "Олд Траффорд" стадионында күш сынасты.

"МЮ-дің" бас бапкері Уле-Гуннар Сульшер бұл матчқа бірнеше жас ойыншыларын шығарды. 21 жастағы қорғаушы Аксель Туазебе, 19 жасар хавбек Эйнджел Гомес, 17 жасар шабуылшы Мэйсон Гринвуд және 19 жасар шабуылшы Таит Чонг "Астанаға" қарсы ойында бағын сынап көрді. Ал қазақстандық ұжым әдеттегі құраммен ойнады.

Алғашқы тайм алаң қожайындарының басымдығымен өтсе де есеп ашылмады. 45 минут бойы шабуылын бір сәтке тоқтатпаған "қызыл сойқандар" Ненад Эрич қорғаған қақпаны 11 мәрте дәл көздесе, қазақстандық клуб 3 рет қақпаны дәлдеген.

72 минут бойы бірнеше тамаша сейв жасаған Ненад Эричтің қақпасында ала доп тулады. "Манчестер Юнайтедтің" жас ойыншысы Гринвуд жеке шеберлігінің арқасында қорғаушылардан айласын оңай асырып, Эричтің екі аяғының ортасынан соғып кетті. Дегенмен "МЮ" ойыншыларының бұдан әріге күші жетпеді.

"Астана" командасы топтағы келесі матчты 3 қазан күні "Партизанға" қарсы өткізеді. 

Еуропа лигасы-2019/20. L тобы. 

"Манчестер Юнайтед" - "Астана" - 1:0(0:0)

Гол: Мейсон Гринвуд 73

"Манчестер Юнайтед: Серхио Ромеро, Аксель Туанзебе, Фил Джонс, Маркос Рохо, Диего Далот, Энджел Гомес, Неманья Матич, Фред, Маркус Рэшфорд, Тахит Чонг, Мейсон Гринвуд.

"Астана": Ненад Эрич (К,В), Дмитрий Шомко, Жарко Томашевич, Евгений Постников, Антонио Рукавина, Иван Маевский, Лука Шимунович(Юрий Логвиненко 46), Рунар Мар Сигурьонссон, Роман Муртазаев(Рангело Янга 46), Марин Томасов, Дорин Ротариу.

20 қыркүйек. Борисов. «Олд Траффорд»

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Тасбақалар қалайша өзен санитары болып жүр?
Тасбақалар қалайша өзен санитары болып жүр?
Эксперимент: Уикипедияда шағын қалалар туралы жаңа ақпарат туризмге ықпал еткен
Эксперимент: Уикипедияда шағын қалалар туралы жаңа ақпарат туризмге ықпал еткен
Әлем халықтарының ұлттық музыкасы жиналған сайт
Әлем халықтарының ұлттық музыкасы жиналған сайт
Тест: Ағылшынша сленгті қаншалықты жақсы білесіз?
Тест: Ағылшынша сленгті қаншалықты жақсы білесіз?
Артем Резников азулы ресейлік файтерді жеңді
Артем Резников азулы ресейлік файтерді жеңді
Әлемдегі ең қауіпті елдер
Әлемдегі ең қауіпті елдер