Еркін күрестен Азия чемпионатына қатысатын қазақ балуандары белгілі болды

Еркін күрестен Азия чемпионатына қатысатын қазақ балуандары белгілі болды

23-29 сәуір аралығында Қытайдың Сиянь қаласында күрес түрлерінен Азия чемпионаты өтеді. Байрақты бәсекеде қазақ балуандары да бақ сынайды. Еркін күрестен кімдер баратыны анықталып үлгерді.

Ұлттық құраманың бас жаттықтырушысы Әсет Серікбаев сары құрлықтың басты додасына жас балуандарды да ала бармақ. Олар үшін мол тәжірибе болатыны анық. Сондай-ақ Шымкенттегі ел Спартакиадасында чемпион атанған балуандардың барлығы бақ сынайды.

Еркін күрестен Азия чемпионатына қатысатын Қазақстан командасының тізімі:

57 кг: Мейрамбек Қартбай
61 кг: Бауыржан Төребек
65 кг: Дәулет Ниязбеков
70 кг: Нұрқожа Қайпанов
74 кг: Данияр Қайсанов
79 кг: Ғалымжан Өсербаев
86 кг: Әділет Дауланбаев
92 кг: Ералы Әбдірашев
97 кг: Әлішер Ерғали
125 кг: Олег Болтин

Күрес түрлерінен Қазақстан командасы бұл күндері АІВА спорттық базасында жаттығуда. Команда 20 сәуір күні Қытайға бағыт алады.


ОҚИ ОТЫРЫҢЫЗ

Соңғы жаңалықтар