Оспановтың оралуы. Қазақстандық спортшының қарсыласы анықталды

Оспановтың оралуы. Қазақстандық спортшының қарсыласы анықталды

Қазақ ережесіз жекпе-жек шебері Арман "Сұңқар" Оспанов 27 сәуір күні Мәскеуде өтетін АСА 95 турнирінде сегізбұрышқа шығады. Қазіргі таңда отандасымыздың қарсыласы анықталып үлгерді.

Арман Оспанов жарақатына байланысты ұзақ уақыт жекпе-жектерге шыққан жоқ. Қазақстандық спортсүйер қауым да спортшының октагонға оралғанын күтті.

АСА 95 турнирінде отандасымыз неміс спортшысы Лом-Али Эскиевпен шайқасады. Тегі шешен болып келетін файтер соңғы жылдары Дюссельдорфқа қоныс аударған. Германияда "Арыстан" деген лақап атпен танымал. Сегізбұрышта 20 жекпе-жек өткізіп, 15-де жеңіске жеткен. 4 рет ұтылып, 1 рет қарсыласымен тең түскен.

Лом-Али Эскиев Германиядағы болашағы зор спортшылардың бірі саналады. 2013 жылы RNC-Martial Arts Gala турнирі кезінде қарсыласы Вугар Бахшиевті 13 секундта ұтып шыққан. Осыдан кейін спортшының танымалдылығы артқан.

"Сұңқар" соңғы рет 2017 жылдың желтоқсан айында жекпе-жек өткізді. Ресейлік Александр Полпудниковке төрешілер шешімі бойынша жол берді. Одан кейін жарақатынан емделді. Былтыр бірнеше рет жекпе-жек өткізу жоспарланғанмен, жүзеге аспады. Бірінде қарсыласы шықпай қойса, бірінде тағы бір себептер туындады. Енді сәуірде Оспановтың октагонға оралуын күтеміз. Жекпе-жек жартылай жеңіл салмақ дәрежесінде өтеді.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Қазақтың Жақсылығы
Қазақтың Жақсылығы
Әлемдегі тұңғыш су асты кемесі мұражайы ашылды
Әлемдегі тұңғыш су асты кемесі мұражайы ашылды
Подкаст жазар алдында дауысты қалай күту керек?
Подкаст жазар алдында дауысты қалай күту керек?
Балаға қымбат ойыншық сатып алып бересіз бе?
Балаға қымбат ойыншық сатып алып бересіз бе?
Пирамидаларды өзгеғаламшарлықтар салған – Илон Маск
Пирамидаларды өзгеғаламшарлықтар салған – Илон Маск
Пандемияда YouTube статистикасы қалай өзгерді?
Пандемияда YouTube статистикасы қалай өзгерді?