Футболдан Қазақстан құрамасы Молдовамен жолдастық кездесу өткізеді

Футболдан Қазақстан құрамасы Молдовамен жолдастық кездесу өткізеді

Футболдан Қазақстан ұлттық құрамасы 21 ақпан күні Түркияда Молдова ұлттық құрамасымен жолдастық кездесу өткізеді. Бұл туралы ҚФФ ресми сайты хабарлады.

- Қазақстан ұлттық құрамасының оқу-жаттығу жиыны Түркияда өтеді.

2020 жылғы Еуропа чемпионатының іріктеу кезеңі қарсаңында Қазақстан құрамасы алғашқы дайындығын 15-22 ақпан аралығында Түркияда өткізеді. 21 ақпан күні Молдова құрамасымен жолдастық матч белгіленген. 

Оқу-жаттығу жиынына шақырылатын футболшылардың тізімі кейін хабарланады, - делінген ресми хабарламада.

Айта кетейік, биыл Қазақстан ұлттық құрамасы 2020 жылғы Еуропа чемпионатына іріктеу кезеңін бастайды. І тобында Бельгия, Ресей, Шотландия, Кипр және Сан-Марино құрамаларымен ойнайды.

Қазақстан құрамасы іріктеудегі алғашқы ойынын 21 наурыз күні Астанада Шотландия құрамасына қарсы өткізеді.


ОҚИ ОТЫРЫҢЫЗ

Соңғы жаңалықтар