Қазақстандық геймерлер әлем чемпионатына жолдама алды

Қазақстандық геймерлер әлем чемпионатына жолдама алды

Counter Strike:Global Offensive ойыны бойынша қазақстандық геймерлер Орталық Азия іріктеуінде үздік шығып, киберспорттан World Electronic Sports Games жарысына жолдама алды, - деп хабарлайды Vesti.kz.

Дәурен Қыстаубаев, Рустам Тлепов және Абай Хасенов сынды ойыншылары бар команда іріктеуден сүрінбей өтті. Түрікменстан мен қырғызстандық қарсыластарын 2:0 есебімен екі реттен жеңіп, жалғыз жолдаманы иемденді.

Айта кетейік, қазақстандық К23 командасы 2016 жылы WESG жарысына қатысып, топтық кезеңнен сәтті шыққан болатын. Алайда кейіннен жарыстың қола жүлдегері атанған Ресейдің Virtus Pro командасына жол беріп алған еді. Нәтижесінде 20-орыннан көрінген.

CS:GO ойыны бойынша негізгі әлем чемпионаты 10-16 наурыз аралығында Қытайдың Чунцин қаласында өтеді. Шешуші кезеңге 32 команда қатысады. Жарыстың жалпы жүлде қоры 890 мың долларды құрайды.





ОҚИ ОТЫРЫҢЫЗ

Соңғы жаңалықтар

"Уланған" көлдер
Marhaba Sabi – Mi, Qi