Хоккейден Қазақстан құрамасы Ұлыбританияны 6:1 есебімен ұтты

Хоккейден Қазақстан құрамасы Ұлыбританияны 6:1 есебімен ұтты

Хоккейден Қазақстан ұлттық құрамасы Венгрия астанасы Будапештте өтіп жатқан бірінші дивизиондағы әлем чемпионатында Ұлыбритания құрамасын 6:1 есебімен ойсырата ұтты.

Ойынның бірінші кезеңінде командалар тең есеп тарқасты. Бірінші болып 3 минутта Люк Феррар ұлыбританиялықтарды алға шығарған. 15 минутта Дмитрий Гренц таразы басын теңестірді.

Екінші кезеңде қазақстандық хоккейшілер басымдығын танытты. 33 минутта төрешілер видеоқайталауды қарап, Антон Сагадеевтің соққан шайбасын есепке алды. 35 минутта Роман Старченко есепті 3:1-ге жеткізді.

Қазақстан құрамасы үшінші кезеңде үш шайба соқты. 42 минутта Роман Старченко дубль жасаса, 46 минутта Никита Михайлис бір шайбаны еншісіне жазды. Алтыншы шайбаны Алихан Асетов соқты.

Қазақстандық хоккейшілер ертең Италия құрамасымен кездеседі. Ойын Астана уақытымен сағат 16:30-да басталады. Бірінші ойында отандастарымыз Венгрия құрамасын 3:0 есебімен ұтқан болатын.

Айта кетейік, бірінші дивизионда бірінші және екінші орын алған құрамалар элиталық дивизионға өтеді.





ОҚИ ОТЫРЫҢЫЗ

Соңғы жаңалықтар

"Уланған" көлдер
Marhaba Sabi – Mi, Qi