Еуропа лигасы. Жартылай финалда "Арсенал" мен "Атлетико" қарсылас атанды

Еуропа лигасы. Жартылай финалда "Арсенал" мен "Атлетико" қарсылас атанды
Фото: uefa.com

Футболдан Еуропа лигасының жартылай финалында кездесетін командалар анықталды. Доп додасының жеребе тастау рәсімі Швейцарияның Ньон қаласында өтті.

Жеребе нәтижесі бойынша жартылай финалда "Арсенал" (Англия) мен "Атлетико" (Испания), "Марсель" (Франция) мен "Зальцбург" (Австрия) кездеседі. Командалар арасындағы алғашқы ойындар 26 сәуір күні, қарымта кездесулер 3 мамырда өтеді.

Айта кетейік, 2017/2018 жылғы маусымдағы Еуропа лигасының финалын Лион қаласындағы (Франция) "Парк Олимпик Лионне" стадионы қабылдайды.

Ө. Сансызбай