Қазақстандық шаңғышылар ширек финалға шықты

Қазақстандық шаңғышылар ширек финалға шықты

Қазақстандық шаңғышылар Алексей Полторанин мен Анна Шевченко Пхенчхандағы Олимпиада ойындарында классикалық спринттік сайыста ширек финалға шықты.

Спринттік кезең қашықтығын қазақстандық шаңғышы 3 минут 14.43 секундта жүріп өтті. Нәтижесінде 13-орынмен ширек финалға шықты. Ерлер арасындағы спринттік жарысқа 80 спортшы қатысты.

Әйелдер арасында Анна Шевченко спринттік сайыс қашықтығын 3 минут 23,27 секундта жүріп өтіп, 27-орыннан көрінді. Жарыс жолына барлығы 67 спортшы шыққан. Оның 30-ы ширек финалға жолдама алды.

Қазақстандық өзге шаңғышылар Денис Волотка 52-ші, Елена Коломина 55-ші, ал Валерия Тюленева 60-орыннан көрініп, жарысты аяқтады.

Әйелдер арасындағы ширек финалдағы спринттік сайыс Астана уақытымен сағат 17:00-де басталады. Одан кейін ерлер жарыс жолына шығады.