Юлия Путинцева Тайвэйдегі турнирдің ширек финалына шықты
Қазақстандық теннисші Юлия Путинцева жалпы жүлде қоры 225 мың АҚШ долларын құрайтын Тайбэйдегі халықаралық турнирдің ширек финалына шықты.
Жарыстың екінші кезеңінде Қазақстанның бірінші ракеткасы Чжан Кайчжэньді (Тайвэй) 6:3, 7:6 есебімен ұтты. Ойын 1 сағат 48 минутқа созылды.
Юлия Путинцева бірінші кезеңде жапон Дюнри Намигатаны жарыс жолынан шығарған болатын.
Ширек финалда украиналық теннисші Катерина Козловамен жартылай финал жолдамасына таласады. Юлия WTA ретингінде 51-орында болса, Катерина 85-орында тұр.
Зарина Дияс болса екінші кезеңде румын Моника Никулескуге есе жіберіп, жарысты 1/8 финалда аяқтады. 2 сағат 3 минутқа созылған ойында 2:1 есебімен Моника жеңіске жетті. Бірінші сетте Зарина бірде-бір геймде қарсыласын жеңе алған жоқ. 6:0 есебімен ұтылды. Екінші сетте Зарина қарсыласын 6:1 есебімен ұтты. Үшінші сетте 6:4 есебімен қарсыласына жол берді.
Зарина Дияс бірінші айналымда ресейлік теннисші Анна Блинкованы ұтқан еді.
Ө. Сансызбай