Қазақстанның бірінші ракеткасы «Кремль Кубогін» сәтті бастады

Қазақстанның бірінші ракеткасы «Кремль Кубогін» сәтті бастады

Қазақстандық теннисші Ярослава Шведова «Кремль Кубогінің» бірінші айналымында ресейлік Анастасия Павлюченкованы екі сетта 2:6, 2:6 есебімен ұтып екінші кезеңге шықты. Бұл туралы «Еуроспорт» телеарнасы хабарлайды.

Ойын барысында біздің отандасымыз тоғыз брейк жасайтын мүмкіндіктің бесеуін өз пайдасына тиімді пайдалана білді. Ал Павлюченкова қарсыласының геймін бар болғаны бір мәрте ғана ала алды. Ресейлік теннисші ойын барысында екі эйс және он бір екілік қателікпен көзге түсті.

Енді екінші айналымда Шведова Мария Кириленко және Елена Веснина арасындағы жеңімпазбен ракетка түйістіретін болады.

Айта кетейік, 25 жасар Ярослава Шведова Қазақстанның бірінші, әлемнің 29 ракеткасы. 

Дайындаған: Уалихан ҚОСАНБАЙ

Сурет: vesti.kz

У. ҚОСАНБАЙ