Батыр Жүкембаев қарсыласын бірінші раундта-ақ нокаутқа түсірді
Фото:
Eye of the Tiger management
Қазақ кәсіпқой боксшысы Батыр Жүкембаев Монреалда өткен бокс кешінде мексикалық Хосе Эмилио Переаны бірінші раундта-ақ нокаутқа түсірді.
Ива Юлиис (кішісі) пен Стив Кладжетт арасында өткен жекпе-жектің андеркартында шаршы алаңға шыққан жерлесіміз қарсыласын 64 секундта жеңіп шықты.
Батыр Жүкембаев спорттық мансабында 10 жекпе-жегін де жеңіспен аяқтап отыр.
Сондай-ақ Монреалдағы бокс кешінде қазақстандық тағы бір боксшы Нұрзат Сабыров та шаршы алаңға шықты. Қарсыласы 26 жастағы мексикалық Марио Баэса болды. Кездесу екінші раундта аяқталды. Нұрзат қарсыласын нокаутпен жеңді.
Ө. Сансызбай