Фируза Шарипова келесі кездесуін Алматы қаласында өткізеді

Жеңіл салмақта WIBA және WBU белбеулерінің иегері, қазақстандық боксшы қыз Фируза Шарипова өзінің келесі кездесуін 17 желтоқсан күні Алматы қаласында өткізеді. Бұл туралы AllFight.Ru сайты хабарлады.

Жекпе-жек 12 мың жанкүйерге арналған "Алматы Арена" спорт кешенінде өтеді. Бокс кешін Фируза Шарипованың "FSK Promotion" компаниясы ұйымдастырып жатыр.

- Кештің басты жекпе-жегінде отандасымыз екінші жеңіл салмақта әлем чемпионы белбеуіне таласады. Егер бұл кездесуде отандасымыз жеңіске жететін болса, екі салмақ бойынша чемпиондық белбеуді алады. Бұл қазақ боксындағы жаңа жетістік болады, - дейді сайт ақпаратында.

Еске салайық, Фируза Шарипова өзінің қазіргі белбеулерін 26 тамыз күні Астана қаласында халықаралық EXPO-2017 көрмесі аясында өткен бокс кешінде жеңіп алған еді.