ӘЧ-2017. Абылайхан жарақатпен шығып жеңіске жетті
Фото:
Данияр Майлыбаев
Бокстан Германияның Гамбург қаласында өтіп жатқан әлем чемпионатында 69 келіге дейінгі салмақта ел намысын қорғап жатқан Абылайхан Жүсіпов жартылай финалға шықты. Ширек финалда венесуэлалық боксшы Габриэль Маестро Пересті жарыс жолынан шығарды.
Абылайхан бұл жекпе-жекке жарақатпен шықты. Бірінші раундта қарсыласын бақылауда ұстап, бар шеберлігін танытты. Екінші раундта жарақатына соққы тиіп, қабағынан қан ақса да, жекпе-жекті соңына дейін жалғастырды. Төрешілер шешімі бойынша отандасымыз 3-1 есебімен жеңіске жетіп, жартылай финалға шықты.
Айта кетейік, осыған дейін Жомарт Ержан, Қайрат Ералиев, Әбілхан Аманқұл және Василий Левит жартылай финалға шыққан еді.
Ө. СансызбайҚызықтырған сұрақтар:
