Арман Оспанов Алматыдағы жекпе-жегі үшін қанша сыйақы алады?

Арман Оспанов Алматыдағы жекпе-жегі үшін қанша сыйақы алады?

Қазақ ережесіз жекпе-жек шебері Арман Оспанов 9 қыркүйек күні Алматыда кезекті жекпе-жегін өткізеді. АСВ-69 турнирінің басты жекпе-жегінде бақ сынайтын отандасымыздың қанша сыйақы алатыны белгілі болды, - деп хабарлайды Vesti.kz сайты.

Арман Оспанов бұл жекпе-жекке шыққаны үшін 80 000 АҚШ доллары көлемінде сыйақы алады. Ал қарсыласының сыйақысы абырой-атағына байланысты болмақ. Шамамен 30 000 – 50 000 доллар шамасында болуы мүмкін. Сыйақыны АСВ ұйымы төлейді.

Сайт ақпараты бойынша спортшы Санкт-Петербургте өткен АСВ ұйымы аясындағы бірінші жекпе-жегінде 30 000 доллар шамасында сыйақы алған.

Арман Оспановтың қарсыласы жақын күндері белгілі болады. Билеттер құны 2000-10 000 теңге шамасында. 

Ө. Сансызбай