Баландин Болгария чемпионатында брасс әдісімен жүзуде үздік шықты

Баландин Болгария чемпионатында брасс әдісімен жүзуде үздік шықты
Фото: tengrinews.kz

Қазақстандық жүзгіш, Рио Олимпиадасының чемпионы Дмитрий Баландин Болгария чемпионатында брасс әдісімен жүзуде үздік шықты. Отандасымыз 2 алтын 1 қола медальға ие болды.

100 және 200 метрге брасс әдісімен жүзуде Дмитрий алдына жан салмады. Екі қашықтықта да бірінші келді. Ал 50 метрге брасс әдісімен жүзуде қола медальды қанағат тұтты.

Дмитрий Баландин Болгария чемпионатынан кейін 14-30 шілде аралығында Венгрия елінің астанасы Будапештте өтетін әлем чемпионатына қатысады.

Айта кетейік, отандасымыз Риодағы Олимпиада ойындарынан кейін алғаш рет халықаралық жарысқа қатысты. 

Ө. Сансызбай