"Лестер" футбол клубының экс-жаттықтырушысы Клаудио Раньери Барселонаның соңғы кездегі сүреңсіз ойындарын сәтсіздік ретінде бағаламайды. Футбол маманының айтуынша, каталондық команданың дәуірі өтіп барады.
БӨЛІСУ
- Бір кездері "Манчестер Юнайтед", "Аякс", "Ювентус", "Милан" мен "Интердің" дәуірлеген кезі болды. Одан кейін "Барселона" мен "Реалдың" заманы келді. Дегенмен бұл күндері "Барселонаның" дәуірі аяқталып келеді, - деді жаттықтырушы.
Айта кетейік, Клаудио Раньери өткен маусымда "Лестермен" Англия премьер-лигасының чемпионы атанған болатын. Алайда осы маусымдағы команданың нәтижесі клуб басшылығы мен жанкүйерлердің көңілін көншітпеді. Нәтижесінде жаттықтырушы өз қызметінен кеткен-ді.