Мадридтік "Реалдың" жартылай қорғаушысы Гарет Бэйл команданың Чемпиондар лигасындағы "Баварияға" қарсы қарымта ойынына қатыспайды. Бұл туралы Испанияның "Marca" басылымы хабарлады.
БӨЛІСУ
"Баварияға" қарсы бірінші ойында футболшының балтыр бұлшықеті жарақаттанған. Қарымта ойында Бэйлді Иско ауыстырмақ.
Жартылай қорғаушы "Баварияға" қарсы ойнамағанмен, "Барселонаға" қарсы өтетін ойынға дейін (23 сәуір) сауығып кетеді деп күтілуде.
Айта кетейік, Чемпиондар лигасының ширек финалындағы бірінші ойында "Реал" "Альянс Аренада" "Баварияны" 2:1 есебімен жеңген болатын.