Жансая Әбдімәлік Польшадағы халықаралық турнирде жеңімпаз атанды

Жансая Әбдімәлік Польшадағы халықаралық турнирде жеңімпаз атанды
Фото: vesti.kz

Қазақстандық шахматшы Жансая Әбдімәлік әйелдер арасында Польшада өткен халықаралық турнирде жеңімпаз атанды. Бұл туралы спортшы академиясының баспасөз қызметіне сілтеме жасап vesti.kz сайты хабарлады.

Халықаралық жарыс 21 қараша мен 1 желтоқсан аралығында Польшаның Ворцлав қаласында өтті. Жарысқа Польша ұлттық құрамасының шахматшылары мен Еуропаның танымал гроссмейтілері қатысты.

Жансая Әбдімәлік 9 ойын өткізіп, оның бесеуінде жеңіске жетті. Төрт ойынын тең аяқтады. Нәтижесінде 7 ұпаймен жеңімпаз атанды.

Айта кетейік, Жансая Әбдімәлік қыздар арасында төрт дүркін әлем чемпионы, халықаралық дәрежедегі спорт шебері, гроссмейстер.

Ө. Сансызбай