Головкиннің шеберлігін мойындайтын Трамп АҚШ президенті болды

Головкиннің шеберлігін мойындайтын Трамп АҚШ президенті болды
Фото: SB Nation

Әлем назарын аударған АҚШ-тағы президент сайлауы да аяқталды. Дональд Трамп басты қарсыласы Хиллари Клинтоннан артық дауысқа ие болып, президенттік мандатқа қол жеткізді.

Дональд Трамптың АҚШ президенті болып сайланғаны жайлы "Washington Post", "Bloomberg", "Fox News" және "Assosiated Press" басылымдары жариялады.

Алдына ала мәлімет бойынша, Дональд Трампқа 56,9 миллион халық, Хиллари Клинтонды  55,8 миллион сайлауға қатысушы қолдаған.

Айта кетейік, Дональд Трамп қазақстандық кәсіпқой боксшы Геннадий Головкиннің шеберлігін мойындайтын, оны ұлы боксшы ретінде бағалайтын тұлғалардың бірі. Өткен жылы Давид Лемьемен өткізген жекпе-жегіне арнайы келіп, қазақстандық боксшымен жүздескен еді. Ол отандасымыздың әйгілі америкалық боксшы Флойд Мейвезермен жұдырықтасқанын қалайтынын да айта кеткен болатын. Мұны БАҚ өкілдері әйгілі миллиардердің екінші арманы деп жазған еді. Ал бірінші арманына – АҚШ президенті болып сайлануды жатқызған-ды.

Ө. Сансызбай