WBA/WBC/IBF/IBO тұжырымдары бойынша орта салмақтағы әлем чемпионы атақтарының иегері Геннадий Головкин «Канело» Альвареске қарағанда, Дэниэл Джейкобс пен Билли Джо Сондерс жекпе-жектері ол үшін өте маңызды екенін айтты.
«Дэниэл Джейкобс - мықты боксшы, бұл ерекше жекпе-жек болар еді, ол Нью-Йоркте өтуі мүмкін. Кімге болса да дайынмын Біз үшін қажетті айқас осы деп ойлаймын. Канеломен бе? Жұдырықтасқым келеді, бәрі де мұны қалайды, Канело-Смиттің жекпе-жегіне баруға уақыт болмайтын сияқты, себебі туыстарыма барып қайтпақшымын. Қазір мені Канело қызықтырмайды, өйткені оның промоутері Оскар келесі жылы деп айтып қалды. Қазір мақсатым - орта дивизиондағы белбеулерді жинау. Енді маған Билли Джо Сондерстегі WBO титулы үшін біріктірілген айқас қажет. Менің арманым мен мақсатым осы», - деді GGG ESPN-ге.
Дерек көзі: baq.kz
