«Қайрат» «Астананы» ірі есеппен ұтты (видео)

«Қайрат» «Астананы» ірі есеппен ұтты (видео)

Футболдан ел премьер-лигасының ХХVI турында Алматының «Қайраты» елордалық «Астананы» ірі есеппен ұтты. Астанада өткен ойында алаң иелері 1:4 есебімен басты қарсыластарына есе жіберді.

Ойындағы есеп 5 минутта-ақ ашылды. Бауыржан Исламханның асқан шеберлікпен асырған пасын Герсон Асеведо «Астана» қақпасына тура бағыттады. Қақпашы Ненад Эрич бұл соққыны қайтара алған жоқ.

Станимир Стойлов жаттықтыратын елордалық клуб екінші таймда таразы басын теңестіру үшін алға ұмтыла түсті. Сондай шабуылдарының бірі сәтсіз аяқталып, «Қайрат» қарымта шабуылда есепті еселеді. Бұл жолы Бауыржан Исламхан мергендігімен көзге түсті. Ал араға 5 минут сала Жерар Гоу нәтижені 0:3-ке жеткізді.

71 минутта ойынға тыңнан шыққан Джордже Деспотович есепті қысқартты. Оның айып алаңы сыртынан шірене тепкен добын Стас Покатилов қайтарып үлгермеді. Одан кейінгі уақытта «Астана» шабуылын үдетіп, қорғанысты тағы да ұмыт қалдыра бастады. Осындай сәттердің бірінде Бауыржан Исламхан шеберлік танытып, Андрей Аршавинге нәтижелі пас берді. Ресейлік ойыншы өз мүмкіндігін мүлт жіберген жоқ. Ненад Эричтің қақпасына төртінші голды соқты.

Нәтижесінде Алматының «Қайраты» «Астанамен» арадағы ұпай айырмасын 4-ке дейін қысқартты. Дегенмен елордалық ұжымның «Оқжетпеспен» өткізетін бір артық ойыны бар. Турнир кестесі төмендегідей:

ХХVI турда «Тараз» «Жетісуді» 3:2 есебімен, «Ақжайық» «Тобылдан» 1:0 есебімен, «Шахтер» «Атырауды» 3:0 есебімен басым түсті. Ал «Ертіс» - «Ордабасы», «Оқжетпес» - «Ақтөбе» кездесулері ертеңге жоспарланған.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Чемпиондар лигасы: 1/4 финалдың жеребесі тартылды
Чемпиондар лигасы: 1/4 финалдың жеребесі тартылды
"Пандемия кедергі емес". Қазақстандағы Алтайда қалай демалыс өткізуге болады?
"Пандемия кедергі емес". Қазақстандағы Алтайда қалай демалыс өткізуге болады?
Данышпандық — әйелдерге қарағанда ерлерге көбірек тән қасиет
Данышпандық — әйелдерге қарағанда ерлерге көбірек тән қасиет
Дұрыс тамақтану жайлы нақылдар
Дұрыс тамақтану жайлы нақылдар
Жыландар қалай ұшады?
Жыландар қалай ұшады?
Жер сілкінісі де тоқтата алмайтын жолаушылар пойызы
Жер сілкінісі де тоқтата алмайтын жолаушылар пойызы