«Астана» Чемпиондар лигасынан шығып қалды (видео)

«Астана» Чемпиондар лигасынан шығып қалды (видео)

Футболдан Чемпиондар лигасының үшінші іріктеу кезеңінде елордалық «Астана» Шотландияда «Селтикке» есе жіберіп, Чемпиондар лигасынан шығып қалды. Дегенмен қазақстандық клуб еурокубок додасын Еуропа лигасында жалғастыратын болады.

Глазгодағы қарымта ойында 2:1 есебі тіркелді. Шотландиялық клуб маңызды екі голды да пенальтиден соқты. Бірінші тайм аяқталар тұста ойынның бас төрешісі Иштван Ковач (Румыния) Абзал Бейсебековті ойын ережесін бұзды деп танып, 11 метрлік айып добын белгіледі. Нәтижесінде Ли Гриффитс «Селтикті» алға шығарды.

56 минутта Азат Нұрғалиев гол соғып, көзге түскен еді. Бірақ румын төрешісі Азаттың ойыннан тыс қалғанын ескеріп, голды есепке алған жоқ. Дегенмен араға 10 минут сала «Астана» ойыншылары таразы басын теңестіре білді. Азат Нұрғалиевтің орнына шыққан Агим Ибраими Крейг Гордонның қателігін оңтайлы пайдаланып, нәтижені теңестірді.

Тартысқа толы өткен ойын тағдырын шешкен пенальти қосымша уақытта белгіленді. Игорь Шитов Мусса Дембелеге қарсы ойын ережесін бұзып, алаңнан қуылды. Ал «Селтик» ойыншысы маңызды голды соғып, командасын Чемпиондар лигасының плей-офф кезеңіне алып шықты.

«Астана» Чемпиондар лигасынан шығып қалғанмен, еурокубоктағы жорығын Еуропа лигасында жалғастыратын болады. Қазақстандық клубтың плей-офф кезеңіндегі қарсыласы 5 тамыз күні Швейцарияның Ньон қаласында өтетін жеребеден кейін белгілі болады. 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

"Абай жолының" қысқаша мазмұны. I том, "Қияда"
"Абай жолының" қысқаша мазмұны. I том, "Қияда"
Тасбақалар қалайша өзен санитары болып жүр?
Тасбақалар қалайша өзен санитары болып жүр?
Эксперимент: Уикипедияда шағын қалалар туралы жаңа ақпарат туризмге ықпал еткен
Эксперимент: Уикипедияда шағын қалалар туралы жаңа ақпарат туризмге ықпал еткен
Әлем халықтарының ұлттық музыкасы жиналған сайт
Әлем халықтарының ұлттық музыкасы жиналған сайт
Тест: Ағылшынша сленгті қаншалықты жақсы білесіз?
Тест: Ағылшынша сленгті қаншалықты жақсы білесіз?
Артем Резников азулы ресейлік файтерді жеңді
Артем Резников азулы ресейлік файтерді жеңді