Рио-де-Жанейродағы антидопинг зертханасы жалған оң нәтижелер берген

Рио-де-Жанейродағы антидопинг зертханасы жалған оң нәтижелер берген
Фото: www.vladtime.ru

Рио-де-Жанейродағы антидопинг зертханасы жалған оң нәтижелер берген, оның жұмысы кем дегенде алты айға уақытша тоқтатылды, − деп хабарлайды "Р-Спорт"

Дисквалификация күшіне 22 маусымда енді.  Зертханаға тиісті хабарландыру келіп түскен. Алайда зертхананың Спорт арбитраж сотына ресми өкілдер (CAS) 21 күн ішінде жүгіне алады. Осыған дейін алынған қан мен зәр үлгілері Бразилия өткен әлем чемпионаты сияқты Швейцарияға жіберіледі. 

"Біз WADA-ның Рио-де-Жанейродағы зертхананың жұмысын тоқтату туралы өтінішін алдық. Бұл Олимпиада-2016 тестілеу бағдарламасын әсерін тигізбейді. ХОК Олимпиада ойындарында қай акредиттелген зертхананың жұмыс істейтінін шешеді, антидопинг зертханаларының аккредитациясына жауапты орган саналатын WADA-ның бағалауынан кейін шешіледі", − деп хабарлады ХОК баспасөз қызметінің өкілдері. 

Рио-де-Жанейрода өтетін Олимпиада ойындары 5-21 тамыз аралығында өтеді.

Дереккөз: tengrinews.kz

Н. Нұрмаханұлы