Футболдан Қазақстан мен Қытай құрамалары жолдастық кездесу өткізеді

Футболдан Қазақстан мен Қытай құрамалары жолдастық кездесу өткізеді
Фото: rsport.ru, sports.kz

Футболдан Қазақстан ұлттық құрамасы мен Қытай құрамасы өзара жолдастық кездесу өткізеді. Бұл туралы Қытай футбол қауымдастығының ресми сайтына сілтеме жасап sports.kz хабарлап отыр.

Аспан асты елінің Қазақстанмен өткізетін ойыны 7 маусымға жоспарланған.

Осыған дейін Қазақстан ұлттық құрамасы 2018 жылғы әлем чемпионатына іріктеу ойындары алдында Қырғызстанмен жолдастық кездесу өткізетіні хабарланған еді. Ол ойын 30 тамызға жоспарланған.

4 қыркүйек күні Қазақстан құрамасы іріктеу турнирінің топтық кезеңіндегі алғашқы ойынын өткізеді. Отандастарымыз Польша құрамасына қарсы ойнайтын болады. Сондай-ақ, Қазақстан құрамасы бақ сынайтын «Е» тобында Польшадан өзге Армения, Дания, Черногория мен Румыния құрамалары бар.

Ө. Сансызбай