Жолшиевтің Германияға жолы түсті

Қазақстандық футболшы Бауыржан Жолшиев спорттық мансабын Германияның «Айнтрахт» клубында жалғастыруы мүмкін. Бұл туралы vesti.kz сайты хабарлап отыр.

Еркін агент келісімі бойынша Бауыржан Жолшиев кез келген клубқа ауыса алады. Өткен маусым соңында «Астанамен» келісімшарты аяқталған ойыншы жаңа клуб іздестіріп келеді. Осыған дейін Алматының «Қайраты» мен нидерландылық клубтардан ұсыныстар түскен болатын.

Бауыржан қазіргі таңда франкфурттық «Айнтрахт» клубында қаралымда жүрген көрінеді. Командамен келісімшартқа отыру мүмкіндігі бар. Келісімшарт жүзеге асып, команда қатарына қосылатын болса, келер маусымнан бастап бундеслигада ойнай алатын болады. Қазіргі таңда франкфурттық клуб 19-орында келеді. Команданың соңғы бес тур қорытындысы бойынша бундеслигада қалу мүмкіндігі бар.