Бокстан Қазақстан ұлттық құрамасы Олимпиада ойындарына тұңғыш рет толық құрамда қатысады. Қытайда өтіп жатқан Олимпиадаға іріктеу турнирінде Олжас Сәттібаев соңғы болып қосымша жекпе-жектегі мүмкіндігін сәтті пайдаланып, Рио жолдамасын жеңіп алды.
52 келіге дейінгі салмақта бақ сынайтын отандасымыз қосымша жолдамаға таласта қырғыз боксшысы Азат Үсеналиевті 3:0 (29:28, 30:27, 30:27) есебімен жеңді.
Айта кетейік, Қазақстан құрамасы сапында Қытайға аттанған тоғыз боксшының жетеуі Олимпиада жолдамасын жеңіп алды. Тек Назым Қызайбай мен Назым Ишанова ғана жолдамаға ие бола алмады.