Қазақстандық кәсіпқой боксшы Жанқош Тұраров 29 қаңтар күні жартылай орта салмақта Солтүстік Америка (NBA) уақытша чемпиондық белбеуіне таласады. Отандасымыздың қарсыласы – бразилиялық боксшы Хоаким Карнейро.
БӨЛІСУ
Жанқош Тұраров пен Хоаким Карнейро арасындағы жекпе-жек 12 раундқа жоспарланған. 28 жастағы бразилиялық боксшы осыған дейін 28 кездесу өткізіп, 22-де жеңіске жеткен. Оның 20-сын нокаутпен аяқтаған. Сондай-ақ, WBC нұсқасы бойынша әлем чемпиондығына үміткер болған, ал қазір өз елінің супержеңіл салмақтағы (140 фунт — 63,5 кг) чемпионы.
Айта кетейік, Жанқош Тұраров осыған дейін кәсіпқой бокста 17 кездесу өткізіп, барлығын жеңіспен аяқтады. 12 жекпе-жегінде қарсыласын мезгілінен бұрын жеңген.