Қазақстан құрамасы бокстан әлем чемпионатында алтынсыз қалды
Фото:
kk.sport.gov
Катар астанасы Дохада өтіп жатқан бокстан әлем чемпионатында отандасымыз Иван Дычко аса ауыр салмақта француз боксшысы Тони Йокамен жұдырықтасып, жеңіліс тапты.
Қазақстан ұлттық құрамасының ауыр салмақтағы боксшысы финалда француз былғары қолғап шеберімен бокстасып, ірі есеппен жеңілді. Үш рауындтық бокста Иван Дычко 0:3 есебімен күміс иеленді. Осылайша Қазақстан бокс құрамасы Катардағы әлем чемпионатында екі күміс медальді қанағат тұтты.
Айта кетейік, Иван Дычко жақында бокстан Бангкокта өткен Азия чемпионатында қытайлық Ванг Жибаоны жеңіп, екі дүркін Азия чемпионы атанған болатын.
С. Ерсін