Футболдан Қазақстан ұлттық құрамасы мен Алматының «Қайрат» клубының жартылай қорғаушысы Бауыржан Исламхан бақыт құсын қолына қондырды. Футболшы қалыңдығының ата-анасы қазақтың салты бойынша ұзату тойын өткізді. Бұл туралы vesti.kz сайты хабарлап отыр.
Ел футболының мақтанышына айналған Бауыржан Исламханның жары Еркежан Талғатбекова киелі Тараз өлкесінде дүниеге келген. Осы жылы әл-Фараби атындағы Қазақ ұлттық университетінің филолгия, әдебиеттану және әлем тілдері факультетін қызыл дипломмен тәмамдаған. 2012 жылы ұлттық университеттің ең сұлу арулар сайысына қатысып, вице-мисс атағын иеленген. Сондай-ақ «Нұр-Мұқасан» тобының «Егіз жүрек» композициясында басты рөлді сомдаған.
Айта кетейік, футболшы қалыңдығына Еуропа лигасының плей-офф кезеңіндегі «Қайрат» пен «Бордо» кездесуінен кейін сөз салған болатын. Үлкен той футбол маусымы аяқталғаннан кейін 28 қарашаға жоспарланыпты.