«Галатасарай» - «Атлетико» ойынына қазақстандық бақылаушы тағайындалды

Ертең футболдан Еуропаның басты бәсекесі саналатын Чемпиондар лигасының топтық кезең басталады. «С» тобындағы «Галатасарай» - «Атлетико» ойынына қазақстандық бақылаушы тағайындалды.

Стамбулда өтетін ойынға УЕФА тарапынан Қазақстан футбол федерациясының төрелік ету және қадағалау департаментінің директоры Маттео Трефолони бақылаушы қызметіне тағайындалды. Бұл туралы Қазақстан футбол федерациясының баспасөз қызметі хабарлап отыр.

Айта кетейік, Галатасарай», «Атлетико», «Астана» және «Бенфика» бір топта ойнайды. «Астана» және «Бенфика» да 15 қыркүйек күні кездеседі.