«Қайрат» бразилиялық қорғаушымен толықты

«Қайрат» бразилиялық қорғаушымен толықты

Футболдан Алматының «Қайрат» футбол клубы Еуропа лигасы алдында бразилиялық қорғаушымен толықты. Бруно Габриэль Соарестің ауысып келгенін клубтың ресми сайты хабарлап отыр.

27 жастағы футболшы спорттық мансабын «Коритиба» клубында бастаған. 2008 жылы «Парана» клубы сапына ауысқан. Араға бір жыл сала бразилиялық қорғаушы Германияның «Дуйсбург» клубына ауысады. 2011 жылы клубпен Германия кубогының финалына дейін жетіп, күміс жүлдегер атанған. «Дуйсбург» сапында үш маусым өнер көрсеткен ойыншы кейіннен екінші бір неміс ұжымы «Фортуна» сапына ауысады. Дюссельдорфтық клубтың қатарында қорғаушы 20-дан астам ресми кездесулерге қатысқан.

«Қайрат» пен клуб басшылығы үшжылдық келісімшартқа қол қойған. Бруно Габриэль Соарес клубта 4-ші нөмірмен өнер көрсететін болады. Жаңа ойыншы ел премьер-лигасындағы ең қымбат футболшылардың ондығына еніп отыр. Немістің «Transfermarkt.de» сайтының ақпараты бойынша, Бруно Габриэль Соарес 900 мың евроға бағаланып отыр.

Айта кетейік, кеше Швейцарияның Ньон қаласында Еуропа лигасының жеребесі тартылып, «Қайратқа» Сербияның «Црвена Звезда» клубы қарсылас атанған болатын. 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Коронавирус жұқтырғанда не істеу керек? – Профессорға сұрақ
Коронавирус жұқтырғанда не істеу керек? – Профессорға сұрақ
Chevrolet Malibu – әдемі дизайн мен қуатты қозғалтқыштың үйлесімі
Chevrolet Malibu – әдемі дизайн мен қуатты қозғалтқыштың үйлесімі
Коронавирусты "өлтіретін" тағамдар
Коронавирусты "өлтіретін" тағамдар
Асылан ТІЛЕГЕН. Жұмбақ қалалар
Асылан ТІЛЕГЕН. Жұмбақ қалалар
Өмірде жоқ жануардың суретімен өзіңізді таныңыз
Өмірде жоқ жануардың суретімен өзіңізді таныңыз
Үкімет шектеу шараларын 2 тамызға дейін ұзартты
Үкімет шектеу шараларын 2 тамызға дейін ұзартты