Қазақстан құрамасы Федерация кубогында екінші жеңісіне жетті

Қытайдың Гуанчжоу қаласында теннистен Федерация кубогы турнирінде қазақстандық теннисші қыздар екінші жеңісіне қол жеткізді. Отандастарымыз қытайлық Тайпэй спортшыларынан айласын асырды.

Азия-Тынық мұхиты аймағындағы жарыстың бірінші тобында бақ сынап жатқан Қазақстан құрамасы қарсыластарын екі ойын қорытындысы бойынша жеңіп шықты. Еліміздің бірінші ракеткасы Зарина Диас Си Су-Вейден 6:4, 2:6, 7:5 есептерімен басым түсті. Ал Ярослава Шведова болса Йя Сун-Лиді қиналмай жеңді. Екі сетте де 6:1, 6:1 нәтижелері тіркелді. Енді жұптық ойындағы нәтиженің маңызы аса жоғары емес. Себебі, отандастарымыз 2:0 есебімен алға шығып үлгерді.

Қазақстандық теннисші қыздар ертең Таиланд құрамасымен кездесетін болады. Әр топтан бірінші орын алған құрама финалға шығып, әлемдік лиганың плей-офф кезеңінің жолдамасына таласады. Екінші топта Жапония, Өзбекстан, Оңтүстік Корея және Гонконг теннисшілері бақ сынауда. Жеңімпаз 7 ақпан күні анықталады.

Айта кетейік, федерация кубогы халықаралық турнирінің тарихы ХХ ғасырдың 20-шы жылдарынан бастау алады. Ұлттық құрамалар арасындағы командалық жүйедегі кездесулер о бастан әйелдер арасында ғана ұйымдастырылып келеді. Ерлер арасындағы дәл осындай жүйедегі турнир «Дэвис кубогы» деп аталады.

Сурет: sports.com

Зарина Диас үшжылдық үзілістен кейін ұлттық құрамаға оралды

Зарина Диас: "Олимпиадаға Қазақстан атынан қатысу – мен үшін үлкен мақтаныш болар еді"

Зарина «Australian Open» турнирін аяқтады

Мария Шарапова: Зарина Дияс кез келген қарсыласын сүріндіруге қауқарлы