Алматыда өтіп жатқан әлем чемпионатында Зульфия Чиншанло топ жарып, әлемнің үш дүркін чемпионы атанды. Назарларыңызға отандасымыздың жеңіске жеткен сәтінен бейнебаян ұсынамыз.
БӨЛІСУ
53 келіде бақ сынайтын қазақстандық зілтемірші Инчхондағы Азия ойындарында тайпейлік спортшы Сюй Шуцзинді алға оздырып, күміспен күптелген еді. Алматыда сол кеткен есені қайтарды. 2012 жылғы Лондонда өткен Олимпиада ойындарында да қарсыластарына дес бермеген жерлесіміз жай есе қайтарып қана қоймай, өзі орнатқан әлем рекордын жаңарта білді. Балуан Шолақ атындағы спорт кешеніне жиналған жұртшылық Зульфияның өнеріне зор қошемет көрсетіп, көңілді тарқасты.
Сурет:almaty2014iwf.com
Бейнебаян: sports.kz