Ағылшын премьер-лигасында "Супер Марио" қашан гол соғады?

Ағылшын премьер-лигасында "Супер Марио" қашан гол соғады?

Балотеллидің  Ливерпуль сапындағы алғашқы голын көру, тек жанкүйерлердің ғана емес, басшылықтың да басты арманына айналған секілді.  Италиялық «Миланнан» ауысқан ойыншының ағылшын премьер-лигасында әлі жұлдызы жана қоймады.

Мамандардың айтуынша чемпионат ауыстыру ойыншылар үшін әрине оңай емес, бірақ, мұның алдында Марио «Манчестер Сити» командасында ойнағандықтан ішкі ойынның қандай болатын біледі дегенді де, тілге тиек етті. 16 миллион фунтқа келген ойыншымен жасалған трансферді құрдымға кеткен ақшамен тең дейтіндер де табылып жатыр. Чемпиондар Лигасы қарсаңында «Реал Мадрид» командасымен ойында, бірінші таймда мадридтік ойыншы Пепемен жейде ауыстырғаны үшін жазаланған Балотелли басы соңғы уақыттарда көп дауға қалып жүр.

Алайда, Балотеллидің жаттығу кезіндегі қимылы мен ойындағы ширақтығы әлі де бар екенін, және болашақта Марионың үлкен жетістікке жететініне бапкерлер ұжымы мен командаластары кәміл сенеді.

Сурет:  dailymail.co

B. ZHAQSYMBET