Жазғы трансфер мерзімінің уақыты белгіленді

Қазақстан футбол федерациясының төтенше жағдай комитеті алдағы жазғы маусымдағы футболшылардың ауысым уақытын белгіледі. Бұл туралы КФЛ ресми сайты хабарлап отыр.

«Ауысым уақыты ФИФА талаптарына сай 4 апта аралығын қамтиды. Премьер-лига мен бірінші лига клубтары үшін трансфер кезеңі 11 маусым мен 8 шілде аралығында ашық болады» - делінген хабарламада.

Естеріңізге сала кетсек, қазіргі таңда премьер-лиганың ХІІ тур ойындары қорытындысы бойынша Владимир Никитенко жаттықтыратын «Ақтөбе» командасы көш бастап келеді. Ал бірінші лиганың VII тур ойындарынан кейін бірінші орында ақтаулық «Каспий» командасы тұр.

Дайындаған: Өмірбек Сансызбай

Сурет:pfl.kz