Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Спорт / Жаңалықтар / Головкин әлемдегі ең үздік он боксшының қатарында

Головкин әлемдегі ең үздік он боксшының қатарында

Головкин әлемдегі ең үздік он боксшының қатарында

Орта салмақтағы WBA және IBO тұжырымдары бойынша әлем чемпионы қазақстандық боксшы Геннадий (GGG) Головкин барлық салмақ дәрежесі бойынша әлемдегі ең үздік боксшылардың ондығындағы (P4P) орнын сақтап алды.  

Америкалық танымал Bleacher Report спорт порталы жасаған жаңа рейтинг филиппиндік Мэнни Пакьяо мен америкалық Тимоти Бредли арасындағы титулдық жекпе-жектен кейін жаңарып отыр. Бұл кездесу 13 сәуір күні Лас-Вегас қаласында өтіп, төрешілердің бірауыз шешімімен Пакьяо жартылай орта салмақтағы WBO чемпиондық белбеуін жеңіп алды. Одан бөлек, филиппиндік боксшы осы кеште 20 миллион АҚШ долларын қалтасына басса, Бредли 6 миллион долларды қанағат тұтты.  

Сонымен Геннадий Головкин ТОП-25 рейтингісінде өзінің тоғызыншы орнын кезекті мәрте сақтап қала алды. Портал хабарлағандай, қазақстандық өзінің соңғы 16 кездесуін нокаутпен аяқтаған. Ендігі кезекте ол атақты қарсыласымен кездесу үшін орта салмақты тастап супер (немесе екінші орта) орта салмақ дәрежесіне (168 фунт) көтерілуге мәжбүр. Сондай-ақ рейтинг түзуші портал Гена мен аргентиналық Серхио Мартинестің бір кездері шаршы алаңда жолығатынына да сенім білдірген.  

Соңғы рет Головкин 2014 жылдың ақпан айында ганалық Осумана Адамаға қарсы кездесуде жеңіске жеткен еді. Бұл жекпе-жекте қазақстандық қарсыласын бірінші, алтыншы және жетінші раундтарда нокдаунға жіберіп үлгерді.  

Ендігі кездесу 19 шілде күні АҚШ жерінде өтеді деп жоспарланған. Қарсыласы - орта салмақтағы әлемнің экс чемпионы, мексикалық боксшы Хулио Сезар Чавес. Ал Bleacher Report порталы көптен күткен кездесуді жылдың басты жекпе-жегі болады деген болжам айтыпты.

Ал ТОП-25 рейтингісіндегі қалған боксшыларға келер болсақ, көш басында мызғымайтын кіші Флойд Мейвезер. Одан кейін Головкиннің болашақтағы басты қарсыласы деп күтілген Андре Уорд жайғасқан. Үштікті Мэнни Пакьяо қорытындылап тұр.

Дайындаған: Болат Қосмағамбет

Сурет: Bleacher Report

Қосылған күні: 17 сәуір 2014, 13:55

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.