Мадридтік «Реалдың» талантты футболшысы Хесенің үйіндегі автотұрағында өрт шыққан. Бұл туралы испаниялық басылым marca ақпарат таратып отыр.
Жалын футболшының үйімен қоса, үш жұмысшысының денсаулығына да зиян келтірген. Бірі үшінші дәрежедегі күйікке ұшыраса, екеуі газдан уланған көрінеді. Ал бұл сәтте Хесе үйінде болмаған екен. Алдағы уақытта футболшы командаласы Альваро Арбелоаның үйінде тұрақтай тұратын болды.
Естеріңізге сала кетсек, 21 жастағы футболшы Чемпиондар Лигасының 1/8 финалындағы «Шалькеге» қарсы қарымта кездесуде жарақат алған болатын. Медициналық тексерістен кейін футболшының бұл маусымда өнер көрсете алмайтынын белгілі болған-ды.
Дайындаған: Өмірбек Сансызбай
Сурет: armfootball.com