Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Спорт / Жаңалықтар / Головкин алдағы кездесуге шығудан бас тартты

Головкин алдағы кездесуге шығудан бас тартты

Головкин алдағы кездесуге шығудан бас тартты

Орта салмақтағы WBA және IBO чемпиондық белбеулерінің иегері Геннадий (GGG) Головкиннің промоутері Том Леффлер қазақстандық боксшының алдағы сәуір айында жоспарланған кездесуге қатыса алмайтынын хабарлап, оның себебін де түсіндіре кетті.  

«Біз бүгін Геннадий Головкиннің менеджерінен оның 26 сәуірге жоспарланған кездесуге қатыса алмайтыны туралы хабар алдық,-деп мәлімдеді Том Леффлер. – Біз оның бапкері Абель Санчес екеуміз өткен аптада Қазақстанға барып қайттық. Геннадийдің жанұясында болған қаза (әкесінің қайтыс болуы) олар үшін ауыр соққы болып тиді. Қазір ол ағасы екеуі жалғыз қалған анасына қолдау білдіруде. Сондай-ақ олар 40 күнге дейін туған қаласында болады. Әзірге біз оның жоспары жөнінде ешнәрсе біле алмаймыз, оның боксқа қашан оралатынын да айта алмаймын».

Леффлердің сөзінше, оның командасына Геннадий Головкиннің бокс әлеміне оралуын күтуден басқа шара жоқ. Бұған екі ай немесе одан да көп уақыт кетуі мүмкін. Айта кетейік, осыған дейін біз сіздерге Головкиннің 26 сәуір күні Нью-Йоркте ирландиялық Энди Лимен кездесетін болып шешілгенін хабарлаған болатынбыз. Ал бұл жекпе-жекті HBO телеарнасы бүкіләлемге таратуды жоспарлаған еді. Енді жоғарыдағы себепке байланысты Гена мен Ли арасындағы кездесу белгісіз уақыт аралығына дейін кейінгі қалдырылатын болады. Ол жөнінде толық ақпараттарды алдағы уақытта жариялайтын боламыз.  

Айта кетейік, егер Головкин Лиді жеңген жағдайда оған орта салмақтағы ең жұлдызды боксшылардың бірі саналатын, кәсіби мансабында тек аргентиналық Серхио Мартинеске ғана жеңілген мексикалық Хулио Сесар Чавес кішімен кездесу мүмкіндігі болған еді. Мамандар тіпті олардың жұдырық түйістіретін уақытын да белгілеп қойған болатын (12 шілде, АҚШ).

Геннадий Головкин өзінің соңғы кездесуін 1 ақпаннан 2-сіне қараған түні Монакода ганалық Осумана Адамаға қарсы өткізіп, жетінші раундта техникалық нокаутпен жеңіске жетті. Бұл қазақстандық боксшының кәсіпқой рингтегі 29-шы, ал биылға жоспарлаған алғашқы жекпе-жегі саналады. Сондай-ақ Головкин соңғы 16 кездесуін уақытынан бұрын аяқтады.

Дайындаған: Болат Қосмағамбет

Сурет: vk.com

Қосылған күні: 03 наурыз 2014, 00:28

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.