Плющенко тікелей эфирде ота жасатпақ
Мәнерлеп сырғанаудан Олимпиада чемпионы ресейлік Евгений Плющенко арқа омыртқасына жасалатын отаны тікелей эфирде көрсетуді жоспарлап отыр екен.
- Ота 2 наурыз күні болады. Осыған дейін қойдырған төрт болттың біреуі сынған. Соны алдырып тастаймын. Содан кейін барып, Сочидегі жекелей сынға шыға алмағанымның айғағы дәлелденбек, – деді спортшы.
Естеріңізге сала кетсек, Евгений Плющенко Сочи ХХІІ қысқы Олимпиада ойындарының командалық сынында бақ сынап, чемпион болып танылған-ды. Ал жекелей сынды бастап-ақ тұрып, жарақатына байланысты жарысты аяқтап, спорттық мансабына да нүкте қойған болатын.
Дайындаған: Өмірбек Сансызбай
Ө. Сансызбай